Oct 28 2026 | २०८३, कार्तिक १२ गते
Oct 28 2026 | २०८३, कार्तिक १२ गते
जनचाहना न्यूज
तनहुँ १९ साउन
आर्थिक बर्ष ०८१÷०८२ मा व्यास नगरपालिका कार्यालयबाट बाढी पहिरो र हावाहुरीबाट क्षति भएकालाई रु.६० लाख तेह्र हजार राहत सहयोग गरेको छ । हावाहुरीबाट चार सय ७५ घरधुरीलाई रु.एकचालिस लाख २७ हजार र बाढी पहिरोबाट क्षति भएका एक सय ८६ घरपरिवारलाई रु.अठ्ठार लाख ८६ हजार आर्थिक सहयोग गरेको हो ।
बाढी पहिरोबाट क्षति भएका खानेपानी, कुलो र सडक संरक्षणमा दुई सय २४ थान तारजाली समेत वितरण गरिएको योजना शाखा प्रमुख भेषराज तिवारीले जानकारी दिनुभयो ।
विपद् घर सम्बन्धी २०७७ देखि हालसम्म एक सय पच्चीस लाभग्राही कायम भएकामध्ये सम्झौता ६२ जनाले गरेका छन्,उहाँले भन्नुभयो “सोह्र वटा घर सम्पन्न भइसकेको छ,पहिलो किस्ता ४७,दोस्रो किस्ता २० र तेस्रो किस्ता १६, घरपरिवारले लगेका छन् ।”
व्यास नगरपालिका सुरक्षित आवास अन्तर्गत विपन्न घर परिवारलाई चालु आर्थिक बर्षमा पचपन्न घरधुरीलाई ५० हजारका दरले रु.सत्ताइस लाख पचास हजार सहयोग प्रदान गरेको छ । त्यसैगरी भवन नियमन तथा घर नक्सा पास शाखाका अनुसार व्यास नगरपालिकामा दुई सय ६५ घर निर्माण गरिएको जनाएको छ ।
डिपीसी दुई सय ७२,नक्सा पास दुई सय १९,घर अभिलेखीकरण ३३,नक्सा नामसारी एक सय ९२,नक्सा नविकरण ६२,घर अभिलेखीकरण कायम दर्ता ४७ र अन्य एक सय ६१ रहेका छन् ।
© 2026 All right reserved to janachahana.com | Site By : Sobij
