Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
तनहुँ १० माघ
यातायात व्यवस्था कार्यालय डुम्रे तनहुँले चालु आवको छ महिनाको अवधिमा दश करोड सत्र लाख ८७ हजार दुई सय असी राजस्व संकलन गरेको छ ।
चालु आर्थिक बर्षको साउनदेखि पुस मसान्तसम्मको अवधिमा उक्त राजश्व संकलन निमित्त कार्यालय प्रमुख गोपाल ओलीले जानकारी दिनुभयो । सवारी साधान करबाट सबै भन्दा धेरै रु.सात करोड ७० लाख ५६ हजार एक सय ५५, संकलन भएको छ ।
त्यसैगरी सवारी चालक अनुमति पत्र बापत रु.एक करोड ६९ लाख ५८ हजार सात सय ५०,यातायात क्षेत्रको आम्दानी रु.अट्तीस लाख एकाउन्न हजार चार सय, सवारी आयकर रु.पैतिस लाख नब्बे हजार छ सय ७५ र अन्य प्रशासनिक सेवा शुल्कबाट रु.तीन लाख उन्तीस हजार तीन सय राजश्व संकलन भएको हो । निमित्त प्रमुख ओलीले भन्नुभयो “जेनजी आन्दोलनको प्रभावका कारण गत आर्थिक बर्षको तुलनामा यसबर्ष राजश्व संकलनमा केही कमि भएको छ । ”
गण्डकी प्रदेश सरकारले साउनदेखि कार्तिक महिनासम्म नविकरण गर्न नआएका सेवाग्राहीलाई करमा छुट दिएका कारण सोचे अनुरुप राजश्व संकलन हुन नसकेको उहाँले बताउनुभयो ।
कार्यालयका अनुसार गतबर्ष नौ हजार पाँच सय सवारी अनुमति पत्र आएकोमा २०२३ सम्मको ९० प्रतिशत वितरण गरिसकिएको छ भने दुई बर्षको लाइसेन्स छपाइ भएर नआएकाले वितरण नगरिएको हो । निमित्त प्रमुख ओलीले भन्नुभयो,प्रत्येक बर्ष पन्ध्र हजार बढी नयाँ सवारी अनुमति पत्र जारी हुने गरेको छ ।
© 2026 All right reserved to janachahana.com | Site By : Sobij
