Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
काठमाडौं २ माघ
रुसी सेनामा भर्ना भएका थप एकजना नेपाली युवाले ज्यान गुमाएका छन् । मृत्यु हुनेमा लमजुङको दूधपोखरी गाउँपालिका–१ घामर चौकका ३२ वर्षीय साजन गुरुङ छन् । साजनको केही समयअघि नै मृत्यु भएको तर करिब ३ दिनअघि मात्रै खबर आएको दूधपोखरी गाउँपालिकाका सूचना अधिकारी रमण बरालले जानकारी दिए ।
साजन परिवारमा जेठा छोरा हुन् । उनका भाइ भने जर्मनीमा रहेको बताइएको छ । मृतक साजनका बुवा, आमा, श्रीमती र एक छोरा छन् ।
साजन दूधपोखरी गाउँपालिकाका नेकपा ९माओवादी केन्द्र०को युवा संगठन वाईसीएल अध्यक्षसमेत बनेका थिए । एसएलसी पास गरेका उनी नेपालमा रहँदा ठेक्कापट्टा गर्थे । सो काम छोडेर उनी रुस गएका थिए ।
साजन वैदेशिक रोजगारीका लागि खाडी मुलुक जान्छु भनेर गत भदौ पहिलो साता विदेश उडेका हुन् । खाडी जान्छु भनेर हिँडेका साजन रुसी सेनामा भर्ती भएको जानकारी उनको परिवारले असोजमा मात्र पाएको बताइएको छ । उनी परिवारको सहमतिविपरीत त्यहाँ गएको बुवा श्रीमान गुरुङले बताएका छन् ।
साजनसमेत गरी रुस–युक्रेन युद्धमा ज्यान गुमाउने नेपालीको संख्या १२ पुगेको छ ।
© 2026 All right reserved to janachahana.com | Site By : Sobij
