Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
एजेन्सी १० चैत्र
गाजाको दक्षिणी सहर खान युनिसमा इजरायलले हवाई आक्रमण गरेको छ । उक्त आक्रमणबाट आफ्ना शीर्ष राजनीतिक नेता सलाह अल–बर्दाविल मारिएको हमासका एक अधिकारीले जानकारी दिएको बीबीसीले जनाएको छ ।
स्थानीयहरूले हवाई आक्रमणमा बर्दाविल र उनकी श्रीमती दुवैको मृत्यु भएको बताएका छन् । यद्यपि, इजरायली अधिकारीहरूको तर्फबाट अहिलेसम्म कुनै टिप्पणी आएको छैन । मङ्गलबार पनि इजरायली सेनाले गाजामा ठूलो आक्रमण गरेको थियो । यी आक्रमणका लागि इजरायलले हमासलाई जिम्मेवार ठहर्याएको छ । पछिल्ला आक्रमणहरूले जनवरी १९ मा सुरु भएको र लगभग दुई महिनासम्म शान्ति कायम राखेको युद्धविराम सम्झौता समाप्त पारेको छ । इजरायल र हमासले दुवैले एकअर्कामाथि युद्धविराम सम्झौता उल्लङ्घन गरेको आरोप लगाउँदै आएका छन् । हमासद्वारा सञ्चालित स्वास्थ्य मन्त्रालयका एक अधिकारीले दिएको जानकारीअनुसार विगत २४ घण्टामा गाजाका विभिन्न भागमा ३२ प्यालेस्टिनीको मृत्यु भएको छ ।
© 2026 All right reserved to janachahana.com | Site By : Sobij
