Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
दमौली १० कार्तिक
असोज ३१ गते शुक्रबारबाट प्रदर्शनमा आएको फिल्म ‘जेरी अन टप’ यतिबेला देशभर प्रदर्शन भइरहेको छ । फिल्मले प्रदर्शन देखि निरन्तर राम्रो दर्शक पाउन सफल भएको छ । यसैबिच दर्शक प्रतिक्रिया बुझ्न फिल्म युनिट सोमबार मोफसल टुरमा आउन लागेका छन ।
अभिनेता अनमोल केसी, अभिनेत्रीद्वय जसिता गुरुङ र आँचल शर्मासहितको टिम भोलि सोमबार दर्शक भेट्न दमौली स्थित क्युएफएक्स एपेक्सको हलमा आउने भएका छन ।
सो अवसरमा फिल्म युनिटले क्युएफएक्स एपेक्समा दिउँसो साढे २ देखि ३ बजेको समयमा दर्शक भेट्ने कार्यक्रम रहेको छ । दर्शकसँग फिल्म हेर्ने र प्रतिक्रिया लिने उद्देश्यले आफूहरू मोफसल यात्रामा निस्किएको अभिनेता अनमोल केसीले बताए । दर्शक प्रतिक्रियाले आगामी दिन आफूलाई अगाडि बढ्न सहज हुने उनको भनाई रहेको छ । सुयोग गुरुङको निर्देशन रहेको फिल्ममा अनमोल, जसिता, आँचलको अलवा भुवन केसी, केदार घिमिरे, उषा खड्गी, सुरक्षा पन्तलगायतका कलाकारको अभिनय छ ।
© 2026 All right reserved to janachahana.com | Site By : Sobij
