Oct 27 2026 | २०८३, कार्तिक ११ गते
Oct 27 2026 | २०८३, कार्तिक ११ गते
पोखरा २८ असोज
नेपाल रेडक्रस सोसाइटी ९नेरेसो० गण्डकी प्रदेशको आयोजनामा पोखरामा जलवायु परिवर्तन र त्यसका प्रभावका कारण हैजा प्रकोप फैलन सक्ने सम्भाव्यतालाई मध्यनजर गर्दै चारदिने ‘रेडक्रस इमर्जेन्सी क्लिनिक तथा हैजा व्यवस्थापन तालिम’ सुरु भएको छ। विपद् तथा स्वास्थ्य आपत्कालीन अवस्थामा सञ्चालन गरिने सेवालाई व्यवस्थित र प्रभावकारी बनाउने उद्देश्यका साथ असोज २६ गतेदेखि सुरु भएको यस आवासीय तालिममा विभिन्न स्वास्थ्य निकायका २८ जना स्वास्थ्यकर्मीहरूको सहभागिता रहेको छ।
नेपाल रेडक्रस सोसाइटी गण्डकी प्रदेशका महासचिव रामदत्त पौडेलको अध्यक्षतामा सम्पन्न तालिम उद्घाटन समारोहमा नेरेसो स्वास्थ्य सेवा विभागका निर्देशक मोना अर्याल, उपमहासचिव कृष्णचन्द्र पाण्डे तथा कास्की शाखाकी सभापति उर्मिला खड्का लगायतको उपस्थिति थियो। कार्यक्रममा आई।एफ।आर।सी। डेनिस रेडक्रस र क्यानेडियन रेडक्रसको विशेष प्राविधिक तथा आर्थिक सहयोग रहेको छ।
कार्यक्रममा स्वास्थ्य मन्त्रालय एचइओसिका प्रमुख डा। हेमन्त ओझा, आई।एफ।आर।सीका क्षेत्रीय स्वास्थ्य संयोजक डा.अभिषेक रिजाल र क्यानेडियन रेडक्रसका रिजनल हेल्थ एडभाइजर रमेश न्यौपाने लगायतले आपत्कालीन स्वास्थ्य क्लिनिकको इतिहास, सञ्चालनका अनुभव तथा विपद्का बेला यस्ता क्लिनिकहरू प्रभावकारी बनाउने रणनीतिबारे प्रकाश पार्नुभएको थियो। उक्त तालिममा प्रदेश जनस्वास्थ्य केन्द्र, गण्डकी प्रदेश संक्रामक तथा सरुवा रोग अस्पताल, मातृशिशु मितेरी प्रादेशिक अस्पताल, पोखरा स्वास्थ्य विज्ञान प्रतिष्ठान ९पश्चिमाञ्चल क्षेत्रीय अस्पताल०, पोखरा विश्वविद्यालय शिक्षण अस्पताल, पोखरा महानगरपालिका स्वास्थ्य महाशाखा, शुक्लागण्डकी नगरपालिका स्वास्थ्य शाखा तथा नेरेसो कास्कीका प्रतिनिधिहरूको सक्रिय सहभागिता छ।
यस चारदिने तालिमले सार्वजनिक स्वास्थ्य आपत्कालीन पूर्वतयारी तथा प्रतिकार्यलाई थप मजबुत बनाउनुका साथै स्वास्थ्य संस्था, समुदाय र स्थानीय तहबीचको समन्वय तथा रोग निगरानी प्रणालीलाई प्रभावकारी बनाउने अपेक्षा गरिएको छ।
© 2026 All right reserved to janachahana.com | Site By : Sobij
