Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
काठमाडौं । राजसंस्था पुनर्स्थापना र चैत १५ मा पक्राउ परेका नेता रिहाइको दबाबसहित आन्दोलनमा होमिएको राप्रपाले बानेश्वरमा निषेधित क्षेत्र तोड्ने प्रयास गरिरहेको छ ।
प्रदर्शनकारीले ब्यारिगेटको अवरोध पन्छाउने प्रयास गरेपछि प्रहरीले सामान्य बल प्रयोग गरेको छ । प्रहरीले माइकिङ गरेर उनीहरूलाई पछाडि हट्न आग्रह गरिरहेको छ । निषेधित क्षेत्र तोड्ने पूर्वघोषित कार्यक्रमअनुसार राप्रपाका कार्यकर्ता सडकमा आएका हुन् ।
संसदीय दलको कार्यालयमा छलफलपछि बानेश्वरतर्फ आउँदै गर्दा सिंहदरबारबाट राजेन्द्र लिङदेनसहितका सांसदहरूलाई भने प्रहरीले नियन्त्रणमा लिएको छ ।
शान्तिपूर्ण प्रदर्शनमा सहभागी हुन कार्यक्रमस्थलतर्फ जाँदै गर्दा पक्राउ गरेका राप्रपाका अध्यक्ष र नेताहरूलाई अविलम्ब रिहा गर्न उनले माग गरे ।
साथै नेताहरू रिहा नहुञ्जेल लगातार विरोध प्रदर्शन गर्ने राप्रपाले जनाएको छ ।
तस्बिरहरू : नविनमुनी स्थापित ।
नेपाल प्रेस
© 2026 All right reserved to janachahana.com | Site By : Sobij
