Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
दमौली १२ बैशाख
तनहुँको व्यास नगरपालिकाले आइतबारदेखि विद्यालय सञ्चालनमा नियमितता गरिदिन आग्रह गरेको छ । व्यास नगरप्रमुख बैकुण्ठ न्यौपानेले शुक्रबार विज्ञप्ती जारी गर्दै व्यास नगरपालिका अन्तर्गतका सम्पूर्ण सामुदायिक विद्यालयसँग सम्बन्धित प्रधानाध्यापक, शिक्षकहरुलाई आग्रह गरेका हुन् ।
सवै सामुदायिक विद्यालय व्यवस्थापन समितिलाई विद्यालय सञ्चालन गर्न सहयोग पुऱ्याउनुहुन र सम्पूर्ण अभिभावकलाई आफ्नो वालवालिका विद्यालयमा उपस्थित गराई पठनपाठन सञ्चालनमा सहयोग गरिदिन समेत आग्रह गरिएको छ ।
विद्यमान शिक्षक आन्दोलनका विषयमा यसअघि प्रेस विज्ञप्ति जारी गरी आन्दोलनका विषयहरूमा समर्थन र विद्यालय सञ्चालनमा सहयोग पुर्याउन अनुरोध गरिएको विद्दितै छ ।
शिक्षक आन्दोलनको मुख्य माग विद्यालय शिक्षा ऐन जारी गर्न र आफ्ना समस्याहरू ऐनमार्फत सम्बोधन होस् भन्ने विषय सान्दर्भिक नै छ । संसदबाट ऐन पारित गर्न निश्चित प्रक्रिया पार गर्नुपर्ने र त्यसले समय लिन सक्ने हुँदा ऐन जारी नहुँदासम्म शिक्षकहरु विद्यालय सञ्चालनमा सहभागी नहुने सन्दर्भले सामुदायिक विद्यालयमा पढाउने अभिभावक र विद्याथीहरुलाई गम्भीर असर पर्ने देखिएको सो विज्ञप्तीमा उल्लेख गरिएको छ । यसै जिल्लाका कतिपय पालिकाहरुबाट समेत यस सम्वन्धमा आफ्नो धारणा स्पष्ट गरी विद्यालय सञ्चालनमा सहयोग पुर्याउन आह्वान गरिएको छ ।
© 2026 All right reserved to janachahana.com | Site By : Sobij
