Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
सल्यान । सल्यानबाट दाङको तुलसीपुर जाँदै गरेको जिप आइतबार दिउँसो दुर्घटनामा पर्दा १२ जना घाइते भएका छन् ।
सल्यानको रिमबाट दाङको तुल्सीपुर जाँदै गरेको लु १ ज १६३७ नम्बरको जिप आइतबार दिउँसो सल्यानको कपुरकोट गाउँपालिका – ३ सातबासमा दुर्घटनामा परेको हो।
सल्यानका प्रहरी प्रमुख डीएसपी केशर न्यौपानेका अनुसार दुर्घटनामा परी १२ जना घाइते भएका छन् । घाइतेमध्ये एक जनाको अवस्था गम्भीर छ।
इलाका प्रहरी कार्यालय तुलसीपुरका प्रहरी निरीक्षक सूर्य रानाका अनुसार घाइतेमध्ये कपुरकोट गाउँपालिका – ५ की १५ वर्षीया सपना बुढाथोकीको अवस्था गम्भीर छ । उनको ढाड, टाउको र पेटमा चोट छ।
त्यस्तै अन्य घाइतेहरू कपुरकोट – २ का ५५ वर्षीय गोरेलाल बोहोरो, कपुरकोट – ४ की ४६ वर्षीया सीमा बुढा, कपुरकोट – ५ का ३८ वर्षीय बिजय बुढाथोकी, सोही ठाउँकी ६७ वर्षीया मनजिता बोहोरा र ३२ वर्षीया भिमा बुढाको अवस्था मध्यम छ ।
त्यस्तै कपुरकोट – ५ की चन्द्रकला महतारा, सोही ठाउँकी १८ वर्षीया पुष्पा महतारा र ८ वर्षीया रोशिना महतारा घाइते भएका छन् । घाइतेहरूको उपचार बाँकेको कोहलपुर मेडिकल कलेजमा भइरहेको छ ।
नेपालभ्युज
© 2026 All right reserved to janachahana.com | Site By : Sobij
