Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
बन्दिपुर गाउँपालिका कार्यालयले गत पुस ३० गते जीप दुर्घटनामा परि ज्यान गुमाएका ६ जनाको परिवारलाई आइतबार राहत रकम हस्तान्तरण गरेको छ । बन्दिपुर ६ हुस्लाङ हटिया नजिकै ग १ ज ६५५५ नम्बरको बलेरो जिप दुर्घटना हुँदा मृत्यु भएकाका परिवारलाई रु.दश हजारका दरले आर्थिक सहयोग गरेको हो । बन्दिपुर गाउँपालिकाका अध्यक्ष पुर्णसिं थापा,उपाध्यक्ष करुणा गुरुङ,वडा न ६ का वडा अध्यक्ष सन्त बहादुर गुरुङले संयुक्त रुपमा उक्त रकम हस्तान्तरण गरेका हुन् । दुर्घटनामा परि घाइते भएकाहरुको निशुल्क उपचारको व्यवस्था मिलाइएको गाउँपालिका अध्यक्ष थापाले बताए । जीप दुर्घटनामा परि बन्दिपुर ६ निवासी २४ बर्षीय रोशन गुरुङ,९ महिनाकी आरुबी थापा, बर्ष ४८ का सन्तबहादुर गुरुङ र बर्ष ५० की बिमाया गुरुङ, ५३ बर्षीय हरी न्यौपाने र बर्ष ४८ की सुसिला देबी न्यौपानेको मृत्यु भएको हो ।
© 2026 All right reserved to janachahana.com | Site By : Sobij
