Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
दमौली १४ बैशाख
जिल्लाको व्यास नगरपालिका अन्तर्गत सञ्चालित ६ वटा अपाङ्गता स्रोत कक्षाहरूको आकस्मिक बैठक बुद्ध दाहाल बहिरा विद्यालयमा भव्यताका साथ सम्पन्न भएको छ। नगरपालिकाका लेखाजोखा संयोजक ईश्वर बास्तोलाको संयोजकत्व र प्रधानाध्यापक कमला पौडेलको अध्यक्षतामा भएको उक्त बैठकले स्रोत कक्षाहरूलाई केवल शिक्षा दिने थलो मात्र नभई अभिभावक र बालबालिकाको आशाको केन्द्र बनाउनुपर्ने निष्कर्ष निकालेको हो ।
उक्त बैठकमा सहभागी १६ जना शिक्षक प्रतिनिधिहरूले विद्यार्थीको बढ्दो संख्या अनुसार भौतिक पूर्वाधार र सहयोगी जनशक्तिको अभाव रहेको औल्याउँदै नगरपालिका र संघसंस्थाहरूको ध्यानाकर्षण गराएका छन्।
विशेषगरी महेन्द्रज्योति माविमा ५ वर्षपछि खुल्न लागेको शिक्षक दरबन्दी र विद्यार्थीको स्वास्थ्य एवं भाषाशैलीमा सचेत रहनुपर्ने विषयलाई बैठकले प्रमुखताका साथ उठाएको छ। शिक्षण कार्यलाई जागिर भन्दा माथि उठेर मानवीय सेवाको रूपमा अगाडि बढाउने सामूहिक प्रतिबद्धताका साथ बैठक समापन भएको थियो।
© 2026 All right reserved to janachahana.com | Site By : Sobij
