Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
पोखरा ः पोखराको सेती नदी खोचमा अड्किएका एक युवकको पाँच घण्टा लगाएर उद्धार गरेको छ । पोखरा महानगरपालिका १५ ढुङ्गे साँघुस्थित सेती नदीको खोँचबाट ३७ वर्षीय भीम बहादुर तामाङलाई नेपाली सेना र सशस्त्र प्रहरी बलको उद्धार टोलीले उद्धार गरेको हो । सिन्धुपाल्चोक जिल्ला घर भई हाल पोखरा १० अस्पताल चोक बस्दै आएका तामाङ बुधबार नदीको खोँचमा अड्किएको अवस्थामा स्थानीयले देखेपछि प्रहरीलाई खबर गरेका थिए । प्रहरीका अनुसार घाइते तामाङलाई उद्धार पश्चात उपचारको लागि अस्पताल पठाइएको छ । तामाङको अनुहार र सरीरमा चोट लागेको छ ।
© 2026 All right reserved to janachahana.com | Site By : Sobij
