Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
तनहुँ ६ बैशाख जनचाहना न्युज
व्यासनगरपालिका बन्दिपुर गाउँपालिका वडा नं ३ धोद्रेका ४५ बर्षीय लाल बहादुर चेपाङले आफ्नै घाँटी रेट्दा मृत्यु भएको छ । धारिलो हतियार हसियाँले घाँटी रेटी गम्भीर घाइते भएका उनको स्थानीय मोती क्लिनिक डुम्रेमा सामान्य उपचार पछि थप उपचारको लागि पोखरा गण्डकी मेडिकल कलेज लगिएकोमा उपचारको क्रममा मृत्यु भएको हो । उनको मृत्यु गर्नुपर्नेका बारेमा थप अनुसन्धान भैरहेको प्रहरीले जनाएको छ ।
एघार सवारी साधान प्रहरी नियन्त्रणमा
त्यसैगरी जिल्लाको भिमाद–५ स्थितमा रहेको विरुवा घाटबाट अबैध रुपमा बालुवा गिट्ठी र ढुङ्गा उत्खन्न गर्ने एघार वटा सवारी साधानलाई मंगलबार प्रहरीले नियन्त्रणमा लिएको छ । प्रहरीका अनुसार ग १ त ३४७८, ग १ त ५४७४, ग १ त ५४२८, ग १ त ४६९२, ग १ त ५३३४, ग १ त ४८८६, ग १ त ७१८५, ग १ त ४४४६, ग १ त३३२१, ग १ त ५८८५ र ग १ त ४६३७ नंम्बरका ट्याक्टर पक्राउ परेका हुन् । प्रहरी टोलीले फेला पारी नियन्त्रणमा लिई भिमाद नगरपालिकाको कार्यालय तनहुँमा पठाउने कार्य भईरहेको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिए । तनहुँमा पछिल्लो समय अबैधानिक रुपमा नदीजन्य बस्तु उत्खनन कार्य तीब्र रुपमा हुने गरेको छ ।
© 2026 All right reserved to janachahana.com | Site By : Sobij
