Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ १३ साउन
व्यास नगरपालिका कार्यालयले व्यास क्षेत्रभित्र संञ्चालित सामुदायिक विद्यालयहरुमा चालिस जना स्वयमसेवक शिक्षक नियुक्ति गर्ने निर्णय गरेको छ । व्यासका सामुदायिक विद्यालयमा रहेको शिक्षक अभाव परिपूर्ति गर्न,पठनपाठनमा सहजता प्रदान गर्न र शैक्षिक गुणस्तरमा सुधार ल्याउने उद्देश्यले स्वयमसेवक शिक्षक नियुक्ति गर्न लागेको हो ।
विद्यालयमा रहेका कूल बिषयगत र तहगत शिक्षक दरबन्दी बिवरण र विद्यार्थी विवरण सहितको प्रस्तावना र विद्यालयको पत्र माग गरिएको व्यास नगरपालिका शिक्षा शाखाका शिक्षा अधिकृत नवीन पराजुलीले जानकारी दिए ।
आधारभूत तहमा पच्चीस जना र माध्यमिक तहमा पन्ध्र स्वयसेवक शिक्षाक नियुक्ति गर्न नगरपालिकाको साउन ८ गतेको बोर्ड बैठकको निर्णय अनुरुप शिक्षक नियुक्ति गर्न लागेको हो ।
विद्यालयमा आवश्यकता रहेको बिषयगत र तहगत शिक्षकको निर्णय गरी विद्यालयले विद्यालय व्यवस्थापन समितिको निर्णय सहित साउनको १७ गतेभित्र व्यासमा पेश गर्न भनिएको छ ।
उक्त तोकिएको समय अवधिमा प्रस्तावना पेश नभएका विद्यालयको स्वयमसेवक शिक्षक व्यवस्थापनका लागि गणना नगरिने शिक्षा अधिकृत पराजुलीले बताए ।
© 2026 All right reserved to janachahana.com | Site By : Sobij
