Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ ३० साउन
तनहुँको भानु नगरपालिका क्षेत्रमा खादाको प्रयोगमा मनाही गरेको छ । भानु नगर कार्यपालिकाको बैठकले नगरपालिका क्षेत्रभित्र खादाको प्रयोग नगर्ने निर्णय भए अनुरुप प्रयोगमा पूर्ण रोक लगाइंएको हो । विभिन्न कार्यक्रम,सभा,बैठक,समारोह तथा अन्य सम्मान लगायतका कार्यहरुमा समेत खादा प्रयोग नगर्ने गरी निर्देशन दिइएको भानु नगर शिक्षा अधिकारी धु्रवराज पौडेलले जानकारी दिए ।
खादा प्रयोगले अनावश्यक खर्च मात्रै बढाउने भएकोले यसको प्रयोग नगर्न सम्बन्धित निकायहरुमा आजै परिपत्र गरिएको उनले बताए ।
अब उप्रान्तका दिनमा हुने कुनै पनि कार्यक्रममा प्रयोग नगर्न र नगराउन नगरपालिकाका सबै निकायमा जानकारी गराइएको छ ,उनले भने यस्ता कार्य अन्य पालिकाले पनि अवलम्बन गर्न आवश्यक देखिन्छ ।
भानु नगरपालिका भित्र संञ्चालित विद्यालय, कलेज, शिक्षालय, सामुदायिक सिकाई केन्द्र,सार्वजनिक पुस्तकालय, बाचनालय तथा अन्य सम्पूर्ण सार्वजनिक कार्यक्रममा प्रयोगमा ल्याइने छैन् । त्यसैगरी सामुदायिक शैक्षिक संस्थाहरुमा आयोजना गरिने बार्षिकोत्सव सभा,बैठक समारोह,स्वागत तथा बिदाई कार्यक्रम जस्ता सार्वजनिक कार्यक्रमहरुमा खादा प्रयोगमा पूर्ण रुपमा बन्देज लगाइएको उनले बताए ।
© 2026 All right reserved to janachahana.com | Site By : Sobij
