Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ २२ भदौ
आगामी भदौ २५ गते शनिबार दमौलीमा ‘बिश्व आत्महत्या रोकथाम दिवस’ मनाइने भएको छ । राष्ट्रिय मानसिक स्वास्थ्य स्वावलम्वन संगठन (कोशिश) को आयोजनामा बिहान ८ बजे अनसन चौतारीमा उक्त दिवस मनाउन लागेको हो ।
सन् २००८ देखि मानसिक स्वास्थ्य क्षेत्रमा काम गर्दै आएको कोशिश संस्थाको आयोजनामा सचेतनामूलक कार्यक्रमको आयोजना गरेको हो ।
मानसिक समस्याको अन्तिम दुखद परिणाम आत्महत्या भएकोले यसको रोकथाम गर्ने उद्वेश्यका साथ व्यापक जनचेतनामुलक कार्यक्रम गर्न लागेको संयोजक महेन्द्र आचार्यले जानकारी दिए ।
उक्त दिन बिहान प्रभातफेरी कार्यक्रम पश्चात सहयोग कक्ष उदघाटन गर्ने कार्यक्रम रहेको कोशिशका कार्यक्रम संयोजक आचार्यले बताए ।
कार्यक्रममा सन्देशमुलक पम्प्लेट वितरण,सहयोग कक्ष,मनोपरामर्शको लागि निशुल्क टोल फ्रि नम्बर लगायतका जनचेतनामूलक कार्यक्रम गरिने छ ।
बर्तमान अवस्थामा मानसिक समस्याहरु डिप्रेसन,चिन्ता,रोगहरु,लागुपदार्थका कारण हुने मानसिक समस्या,कडा मानसिक समस्या लगायत समाजमा व्याप्त रहेकोले सचेतनामूलक सन्देशबाट न्यूनिकरण गर्न सहज हुने बिश्वास गरिएको छ ।
उक्त रोकथामको लागि सबै आ आफ्नो क्षेत्रबाट लाग्नुपर्ने अवस्था सिर्जना भएकोले सचेतनामूलक कार्यक्रमको आयोजना गरिएको सो संस्थाले जनाएको छ ।
© 2026 All right reserved to janachahana.com | Site By : Sobij
