Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ २२ भदौ
जिल्लाको व्यास नगरपालिका–१ बिज्ञानचौर स्थित आदिकवि भानुभक्त क्याम्पस संचालक समितिको निर्वाचन बुधबार सम्पन्न भएको छ । समितिको खुल्ला सदस्य तर्फ सात जना सदस्यको लागि सत्र जनाले निर्वाचनमा भाग लिएका थिए । निर्वाचनमा सहभागी भएकामध्ये अधिकाँश युवापुस्ता बिजयी भएका छन् । यस निर्वाचनबाट प्रष्ट हुन्छ कि युवा पुस्तातर्फ मानिसहरुको आकृषण बढ्दै गएको छ । पाको र अनुभवीको आधारमा भन्दा पनि युवा जुझारु र सक्षम व्यक्तित्वलाई निर्वाचनमा बिजयी गराएको आदिकवि भानुभक्त क्याम्पसको मत परिणामबाट पनि अनुमान लगाउन सकिन्छ ।
निर्वाचनमा सबैभन्दा बढी मत मोहन गिरीले ४६१ र लक्ष्मीभक्त खनालले ४५२ मत पाएका छन् । त्यसैगरी,अपार पौडेलले ३९४,प्रदीप काफ्लेले ३१६,सहबीर उचै ठकुरीले २९९,डा.ईश्वरचन्द्र वाग्लेले २९३ र बिष्णु बहादुर बस्नेत २५८ मत पाएर बिजयी भएका छन् ।
आन्तरिक लेखा समितिमा तीन जनामा चार जनाको प्रतिस्पर्धा भएकोमा बिबेक भट्टराई ४४६,ठाकुर दरै ४४१ र सोमराज सिग्देलले ४०६ मत पाएर बिजयी भएका छन् । निर्वाचित भएका सदस्यबाट संचालक समितिको अध्यक्ष चयन गर्ने प्रावधान रहेको छ ।
त्यसैगरी दलित, आदिवासी जनजाति, अपांगता,जग्गादाता लगायतका कलाष्टर क्षेत्रबाट बाह्र जना सर्वसम्वत चयन भएका छन् ।
क्याम्पस संचालक समितितर्फ नौ जना र पुस्तकालय सल्लाहकार समितिमा तीन जना गरी उक्त सदस्य पदमा सर्वसम्वत चयन भएका हुन् ।
समितितर्फ खरसिं दरै,चिज बहादुर दरै,सरिता थापा,कल्पना पोख्रेल,सुशिला शर्मा,होम रसाइली,सिर्जना तिवारी,क्या.सुर्ज कुमार मल्ल र बुद्धिमान श्रेष्ठ चयन भएको क्याम्पस प्रमुख महाप्रसाद हड्खलेले जानकारी दिए ।
त्यसैगरी पुस्ताकालय सल्लाहकार समितिमा प्रेम राउत,हेम पौडेल र निरबहादुर मल्ल ठकुरी सर्वसम्वत चयन भएका छन् । उक्त निर्वाचनमा कूल आठ सय पन्चानब्बे मतदाता रहेकामध्ये छ सय सैतिस मत खसेको प्रबन्ध समिति संयोजक त्रैलोक्य वाग्लेले जानकारी दिए ।
सानेबहादुर नेपाली
तनहुँसम्वाददाता
© 2026 All right reserved to janachahana.com | Site By : Sobij
