Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ २९ असोज
व्यास नगरपालिका १ स्थित चारकुनेमा योग शिबिरको आयोजना गरिएको छ । शनिबार चारकुने चौतारीमा होमहुमादी गरी शिविरको विधिवत रुपमा उदघाटन गरिएको हो ।
उक्त कार्यक्रममा पतन्जली योग जिल्ला कार्य समिति तनहुँका महामन्त्री राजकुमार श्रेष्ठ, संगठन प्रमुख अर्जुन कुमार श्रेष्ठ लगायतका सहभागिता रहेको थियो ।
चारकुने टोल विकास संस्थाका पूर्व अध्यक्ष ज्ञानेन्द्र जिसी,संस्थाका पूर्व सचिव नविन वस्ती,नवआर्दश आमा समुहकी अध्यक्ष शान्ता खवास लगायतका वक्ताहरुले योग मानव जीवनको लागि अपरिहार्य रहेकोले निरन्तरता दिनुपर्नेमा जोड दिए ।
स्वास्थ्य जीवनको लागि योगको भूमिका महत्वपूर्ण रहेको उल्लेख गर्दै स्वास्थ्य जीवन नै मानिसको धन भएकोले सर्वप्रथम स्वास्थ्यको ध्यान दिनुपर्ने बताएका थिए ।
केही दिन देखि गरिएको योगले जीवनमा सकारात्मक प्रभाव परेको स्थानीय गणेश जिसीले जानकारी दिए । जेष्ठ जलेश्वर जेष्ठ नागरिक दिवा आश्रम केन्द्रका पूर्व अध्यक्ष समेत रहेका जिसीले स्वास्थ्य जीवन जीउन योग प्रभावकारी रहेको उनले बताए ।
पतन्जली योग जिल्ला कार्य समिति तनहुँका संगठन एवं प्रशिक्षक प्रमुख अर्जुन कुमार श्रेष्ठले केही दिन देखि प्रशिक्षण दिदै आएपनि आज देखि बिधिवत रुपमा निरन्तरता दिन लागेको हो ।
© 2026 All right reserved to janachahana.com | Site By : Sobij
