Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ २९ असोज
विश्वहिन्दु महासंघ शुक्लागण्डकी नगर समिति तनहुँले विगत तीन बर्ष देखि महिला र दलितलाई पुरोहित तथा कर्मकाण्ड तालिम सञ्चालन गर्दै आएको छ ।
आठ जना दलित समुदायका सहित ब्राह्मण,क्षेत्री लगायतका पैतिस जनालाई समितिले सहभागी गराएर तालिम प्रदान गर्दै आएको हो ।
समाजमा हिन्दु धर्मको जगेर्ना गर्नुका साथै पुरोहित उत्पादन गर्ने उद्वेश्यले तालिममा सञ्चालन गरिएको समितिका अध्यक्ष नारायणप्रसाद घिमिरेले जानकारी दिए ।
कर्मकाण्ड तालिममा महिला र दलित समुदायको पहुँच बृद्वि गर्न उनीहरुलाई प्राथमिकता दिएर तालिममा सहभागी गराइएको उनले बताए ।
उक्त तालिममा विभिन्न समुदायका ८ जना महिला समेत सहभागि भएका छन् । उनले भने,‘यस कार्यले समाज परिवर्तनमा महत्वपूर्ण भूमिका खेल्ने बिश्वास गरिएको छ ।’
तालिममा सहभागि भएका जसबहादुर परियारले समुदायमा पुरोहित नपाउने समस्याको अन्त्यका लागि तालिम लिएको उनले बताए ।
समुदायमा बाहुन पुरोहितहरु नजाने, आफ्नै समुदायमा भएका केही पुरोहितहरु नभ्याउने समस्याले पूजाआजामा विधि अनुरुप गर्न पाइएको थिएन् । उनले भने,‘दलित समुदायमा पुरोहितको अभाव पूर्ति गर्न तालिम लिएको हौ ।’
तालिममा सहभागि मध्येकी लक्ष्मी सिग्देलले स–साना कार्यमा पनि पुरोहित नै बोलाउनु पर्ने झन्झटले कठिनाई भोग्नुपरेको बताए । आफैले ज्ञान सीप सिकेको अवस्थामा परिवार र समाजमा सहज हुने उनले जानकारी दिए ।
दुलेगौंडा स्थित शिवालयमा सञ्चालित तालिममा सहभागि भएकाहरु मध्ये अधिकाँशलाई धर्मको जगेर्नाप्रति चासो छ । गैरदलित समुदायसँगै मिलेर तीजको व्रतमा समेत पुजा गर्न नपाएको तालिममा सहभागी विष्णुमाया नेपाली दुखेसो पोखिन् । उनी सहभागी भएकामध्ये एक्लो दलित महिला हुन् ।
समाजमा जातीय रुपमा हुने विभेद न्यूनिकरण गर्न समेत समेत तालिमले सहयोग गर्ने समितिका अध्यक्ष घिमिरेको विश्वास छ ।
सवै समुदायमा पुरोहित उत्पादन हुन सके परनिर्भरतामा कमी हुनुका साथै रोजगारी समेत सिर्जना हुने र बिकृतिजन्य मानसिकता कम हुनेछ ।
© 2026 All right reserved to janachahana.com | Site By : Sobij
