Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ ७ कार्तिक
जिल्लाको ब्यास नगरपालिका–१० मा रहेको सतिस अंग्रेजी बोर्डिङ स्कुलले विद्यार्थीलाई प्रयोगात्मक सिकाई स्वरुप रोटी पकाउन र टपरी बुन्न सिकाउन थालेको छ ।
उक्त विद्यालयले ब्यवहारिक शिक्षालाई जोड दिन विद्यार्थीहरुलाई सेलरोटी पकाउन, सालको पातबाट बन्ने टपरी बुन्न लगायतका सीप सिकाउन थालेको हो ।
छात्राहरुलाई तिहार पर्वमा रोटी पकाउने र सालको पातको टपरीमा राखेर खाने नेपाली सस्कृतिबारे जानकारी दिने प्रयोगात्मक विधिलाई जोड दिएको विद्यालयका प्रधानाध्यापक दिर्घबहादुर दरैले जानकारी दिए ।
नेपाली संस्कृतिमा आधारित सीप र महत्वलाई ध्यानमा राखि विद्यालयबाट नै सिकाउन प्रयास गरिएको उनले बताए ।
गत दशैमा समेत दशैको महत्व र दशैमा हुने सांस्कृतिक क्रियाकलापहरुलाई ब्यवहारिक रुपमा सिकाइएको उनले जानकारी दिए ।
विद्यालयमा शिक्षक शिक्षिकासँगै भएका यस्ता क्रियाकलापहरु सिक्ने सके विद्यालयबाट पाएको शिक्षा सिकाई दिगो बन्न सक्ने अपेक्षा राखिएको छ ।
थेउरी भन्दा प्राक्टिकल अर्थात ब्यवहारिक शिक्षा दिन सके प्रभावकारी बनाउन पहल गरेका छौ । उनले भने,‘शिक्षालाई व्यवहारिक बनाउन विद्यालयले यस्ता कार्य गर्दै आएको छ ।’
पछिल्लो समय विद्यार्थीलाई ब्यवहारिक शिक्षा सिकाउन विद्यालयहरुले विभिन्न किसिमको पहल गर्दै आएका छन् ।
तनहुँको सदरमुकाम दमौलीमा रहेको निर्मल माध्यामिक विद्यालय र शुक्लागण्डकी नगरपालिकामा रहेको ज्ञान बगैचा अंग्रेजी विद्यालयले यस्ता व्यवहारिक शिक्षालाई प्राथमिकता दिदै आएका छन् ।
© 2026 All right reserved to janachahana.com | Site By : Sobij
