Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्युज
तनहुँ १५ मंङिसर
सुरक्षित आप्रवासन (सामी परियोजना) जिल्ला प्रशासन कार्यालय तनहुँको सहजीकरणमा चालु आबमा रु.एकाउन्न लाख सत्चालिस हजार पाँच सय एकानब्बे प्राप्त रकम पीडित पक्षलाई उपलव्ध गराएको छ ।
सामी परियोजनाले रोजगारीमा ज्यान गुमाएका,दुर्घटनामा घाइते भएकाका परिवारलाई रु.छयालिस लाख सात हजार पाँच सय एकानब्बे र ठगी भएकाबाट रु.पाँच लाख चालिस हजार फिर्ता गरेको हो ।
चालु आर्थिक बर्षको साउन देखि कार्तिक मसान्तसम्म दुई हजार पाँच सय दश जनालाई सहि सूचनाका बारेमा जानकारी गराइएको आप्रवासी स्रोत केन्द्र परामर्शकर्ता गोमा तिवारीले जानकारी दिइन् ।
बैदेशिक रोजगारलाई सुरक्षित,मर्यादित,व्यवस्थित र भरपर्दो बनाउनको लागि आप्रवासी सामीले दैनिक ४० देखि ५० जना राहदानी बनाउन आउने युवायुवतीलाई एजेन्ट मार्फत ठगिने कार्यमा सुरक्षित हुन सूचना प्रदान गरिएको छ ।
त्यसैगरी सामी परियोजनाले बैदेशिक रोजगारीमा जान इच्छुक व्यक्तिलाई सीपमूलक तालिम लिएर मात्रै बैदेशिक रोजगारीमा जान सुझाव प्रदान गर्दै आएको उनले बताइन् ।
चार महिनाको अवधिमा सामी परियोजनामा बाउन्न वटा मुद्वा दर्ता भएकोमा बाह्र वटा फछस्यौट भएको छ ।
बैदेशिक रोजगारीमा जान चाहने युवायुवतीहरुको लागि बिदेशमा आवश्यक पर्ने मापदण्ड अनुरुपको खाना र बस्न सहितको निशुल्क तालिमको व्यवस्था गरेको छ ।
सटिङ्ग कारपेन्ट्रि,फलामको पाइपको खट बनाउने,प्लम्बर,वेल्डर,पाइप फिल्टर,हाउस किपिङ्गगार्मेन्ट मेशिन अपरेटर लगायतका सीपमूलक तालिमको निशुल्क व्यवस्था गरेको छ ।
आफुले लिन चाहेको तालिमको लागि काठमाण्डौं,पोखरा र झापामा व्यवस्था गरेको आप्रवासी स्रोत केन्द्र परामर्शकर्ता हर्षित गुरुङ्गले जानकारी दिए ।
© 2026 All right reserved to janachahana.com | Site By : Sobij
