जनचाहना न्यूज 
तनहुँ २१ भदौ 
जिल्लाको व्यास नगरपालिका–१० दुम्सीचौर स्थित भानु माध्यमिक विद्यालयले स्थानीयस्तरका पराम्परागत सीप र पढाईलाई संगसंगै सिकाउँदै आएको छ ।
दिनभरीको पढाईबाट थकित हुने विद्यार्थीलाई तनाबमुक्त बनाउन अन्तिम पिरिएडमा विभिन्न किसिमका मनोरञ्नात्मक र सीपमूलक शिक्षा दिन थालेको विद्यालयले जनाएको छ ।  
विद्यालयले सिक्दै पढ्दै अभियान अन्र्तगत गायन बाद्यबाजन, नृत्य, चित्रकला, हस्ताकला, वक्तृत्वकला,बाबियाँको डोरी बाट्ने लगायतका कार्यलाई प्राथामिकता दिन थालेको हो । 

करिब एक हप्ता अघिदेखि पढाईको साथसाथै सीपमूलक शिक्षा प्रदान गर्न थालेपछि अभिभावकहरु समेत खुशी हुन थालेको विद्यालयका शिक्षक बुद्धिबहादुर बरालीले जानकारी दिए ।  
घोकन्ते शिक्षाको तुलनामा व्यवहारिक शिक्षा प्रभावकारी बन्दै जाँदा विद्यालयका शिक्षकहरु पनि उत्साहित भएर सिकाउन लागेको उनले बताए । 
विद्यार्थीहरुको आवश्यकता अनुरुप बाद्यबाजनको माग पूरा गर्न कठिनाई भैरहेको छ,उनले भने,‘विद्यार्थीलाई आवश्यक पर्ने सामाग्री व्यवस्थापन गर्न सके राम्रो गर्न सक्ने अपेक्षा गरिएको छ ।’ 
विद्यालयको कक्षा १ देखि कक्षा १० सम्मका विद्यार्थीहरुलाई आफ्नो रुचिको बिषय क्षेत्र छुट्टाइएर सिक्न लगाइएको विद्यालयका प्रधानाध्यापक प्रेमबहादुर दरैले जानकारी दिए । 
उक्त विद्यालयमा हाल डेढ सयको हाराहारीमा विद्यार्थी अध्ययनरत छन् । आदिवासी जनजाति समुदायका बालबालिकाको बाहुल्यता रहेको उक्त विद्यालयमा क्षेत्री र बाहुनको संख्या नगण्य मात्रामा रहेका छन् । 
अहिले विद्यार्थीसंग कुनै पनि शुल्क लिइएको छैन्,उनले भने,‘पछि बिज्ञहरु ल्याउनुपर्ने अवस्था आयो भने,त्यो अवस्थामा लिन पनि सकिन्छ होला ।’

 
स्थानीयस्तरका सीपमा संरक्षण ः 
स्थानीयस्तरका सीप बिस्थापित बन्दै गएको अवस्थामाले यस किसिमको शिक्षाले संरक्षणमा टेवा पुग्ने अपेक्षा गरिएको छ । आफ्ना छोराछोरीलाई अभिभावकहरुले सिकाउनुपर्ने दायित्व भएपनि त्यो हुन नसक्दा विद्यालयले पहलकदमी थालेको हो । 
स्थानीयस्तरका सीपहरु लोपोन्मुख हुने अवस्थामा पुगेकाले संरक्षण गर्दै सीप हस्तान्तरण गर्ने योजना रहेको प्रअ दरैले बताए ।  सीपहरु स्थान्नतरण र हस्तान्तरण हुन सकेको छैन् स्थानीय सीपलाई जोगाउँदै स्थान्नतरण गर्ने सोचका साथ विद्यालय परिवार अघि बढेका छौ,उनले भने । 
विद्यालयमा अध्ययन गरेर आउनु भएका शिक्षक पुरन गुरुङ्गसंग चौतर्फी सीप र ज्ञान भएका कारण विद्यार्थीलाई प्रशिक्षण दिदै आउनु भएको छ । 
स्थानीय भूपु विद्यार्थी,भूपु शिक्षक,स्थानीयबासी,स्थानीय तह सबैको साथ र सहयोग रहेमा यस विद्यालयलाई नमुना विद्यालयको विकास गर्न सकिने प्रचूर संम्भावना देखिएको प्रअ दरैले बताए ।