Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
दमौली १० कार्तिक
तनहुँको सदरमुकाम दमौली रहेर झण्डै एक दशकदेखि पत्रकारिता क्षेत्रमा सक्रिय रहदै आएका पत्रकार श्रीहरी पौडेल तरुण पत्रकारिता पुरस्कार २०८० बाट सम्मानित भएका छन् । नेपाली काँग्रेसको भातृ संगठन नेपाल तरुण दल जिल्ला कार्य समिति तनहुँले स्थापना गरेको तरुण पत्रकारिता पुरस्कारबाट शुक्रबार पत्रकार पौडेल सम्मानित भएका हुन् । नेपाली काँग्रेस तनहुँका निवर्तमान सभापति बैकुण्ठ न्यौपाने पूर्व सभापति रघुनाथ पौडेल,महासमिति सदस्य प्राडा कृष्ण गौतम,तरुण दल तनहुँका अध्यक्ष हिरा थापा लगायतकाले पत्रकार पौडेललाई दोसल्ला ओढाएर प्रमणपत्र र नगदले सम्मान गरेका हुन् । पुरस्कारको राशी रु.पाँच हजार रहेको नेपाल तरुण दल जिल्ला कार्य समिति तनहुँले जनाएको छ । युवाहरुको क्षेत्रमा कलमका माध्यमबाट सशक्त रुपमा आवाज बुलन्द गर्दै आएको भन्दै तरुण दलले पत्रकार पौडेललाई सम्मान गरेको हो । पत्रकार पौडेल नेपाल टेलिभिजनको तनहुँ प्रतिनिधी पनि हुन् । पत्रकार पौडेल नेपाल पत्रकार महासंघ तनहुँका कार्यसमिति सदस्य हुन् । दमौलीबाट प्रकाशित विभिन्न संचारमाध्यममा सक्रिय भएर पत्रकार पौडेलले काम गर्दै आएका छन् ।
© 2026 All right reserved to janachahana.com | Site By : Sobij
