Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
तनहुँ १ मंङिसर
विद्यालय परिसरमा सरस्वती देवीको मन्दिर निर्माण गर्न यहाँको एक विद्यालयले देउसीभैलो कार्यक्रमबाट अर्थ संकलन गरेको छ ।
जिल्लाको व्यास नगरपालिका–१२ कमलबारी स्थित सिद्धेश्वरी माध्यामिक विद्यालयले मन्दिर निर्माणार्थ देउसीभैलो खेलेको हो ।
गत शुक्रबारदेखि सुरु गरेको देउसीभैलोबाट रु.दुई लाख तीन हजार सात सय त्रिचालिस रकम संकलन गरेको सो विद्यालयले जनाएको छ ।
उक्त वडाका देउराली,पालिङ, कमलबारी,बगैंचा लगायतको स्थानमा देउसीभैलो खेलिएको सिद्धेश्वरी माध्यमिक विद्यालय संयोजक ज्ञानेन्द्र जि.सीले जानकारी दिए ।
विद्यालय हाताभित्र सरस्वतीको मन्दिर निर्माण गर्ने उद्वेश्यले नेपाली परम्परागत संस्कृतिको संरक्षण गर्दै विद्यार्थीलाई लिएर मनोरञ्जनका साथमा देउसीभैलो खेलिएको उनले बताए ।
विद्यालय परिसरमा सरस्वती देवीको मन्दिर नभएकाले निर्माण गर्ने सोचका साथ रमाइलो गर्दै आर्थिक संकलन गरिएको विद्यालय प्रधानाध्यापक नारायणप्रसाद अधिकारीले जानकारी दिए ।
उक्त कार्यक्रममा विद्यालय व्यवस्थापन समितिका अध्यक्ष फमबहादुर थापा लगायत समितिका सदस्यहरु,शिक्षक अभिभावक संघका अध्यक्ष नन्दकुमारी बिक,शिक्षकवर्ग,विद्यार्थी लगायतका सहभागिता रहेको थियो ।
त्यसैगरी जिल्लाको भानु नगरपालिका–९ स्थित कर्मदा माध्यमिक विद्यालयले विद्यालयमा ट्रष्ट निर्माणका लागि देउसीभैलो खेलेको छ ।
तीन दिनसम्म खेलिएको देउसीभैलोबाट रु.चार लाख बढी रकम संकलन भएको विद्यालय प्रधानाध्यापक संञ्जय कुमार बिकले जानकारी दिए ।
विद्यालयका विद्यार्थी, शिक्षक, कर्मचारी र विद्यालय व्यवस्थापन समितिका पदाधिकारीहरुको देउसीभैलोमा सक्रिय सहभागिताले थप उर्जा मिलेको उनले बताए ।
कला संस्कृतिको संरक्षण गर्दै विद्यालयको शिक्षा क्षेत्रमा लगानी गर्ने सोचका साथ देउसीभैलो कार्यक्रम राखिएको सो विद्यालयले जनाएको छ ।
© 2026 All right reserved to janachahana.com | Site By : Sobij
