Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
तनहुँ ७ मंङिसर
जिल्लाको देवघाट गाउँपालिका–५ स्थित कालिका माध्यमिक विद्यालयमा स्व.प्रधानाध्यापक रामजी शर्मा भट्टराईको स्मृतिमा रु.एक लाखको अक्षयकोष स्थापना गरिएको छ ।
सोही विद्यालयका प्रधानाध्यापक रहेका भट्टराईको निधन भएपछि उहाँकी धर्मपत्नी उर्मिला भट्टराईले उक्त अक्षयकोष स्थापना गरेकी हुन् ।
विद्यालय व्यवस्थापन समितिका अध्यक्ष डा.सुरेन्द्र प्रसाद श्रेष्ठलाई भट्टराईले रु.एक लाखको चेक हस्तान्तरण गरेकी थिइन् ।
उक्त अक्षयकोषबाट प्रत्येक बर्ष विद्यालयमा अध्ययनरत गरीब तथा जेहेन्दार छात्रछात्राहरुलाई छात्रावृत्ति प्रदान गरिने अध्यक्ष श्रेष्ठले बताए । त्यसैगरी काठमाण्डौं–२६ रामखुशी निवासी आर्किटेक्ट बसन्त रत्न तुलाधर र पत्नी लयताले कालिका वेलफेयर ट्रष्टमा रु.बीस हजार सहयोग गरेका छन् ।
आफ्ना स्व. माता र पिताको स्मृतिमा दुुवै जनाले रु.दश हजारका दरले आर्थिक सहयोग गरेको विद्यालय प्रशासनले जनाएको छ ।
त्यसैगरी विद्यालयमा संचालित दिवा खाजा कार्यक्रमलाई सहयोग पु¥याउने उद्वेश्यले ती दम्पतीले बाह्र थान थाल,बाह्र वटा गिलास र बाह्र वटा कचौरा सहयोग गरेका हुन् ।
© 2026 All right reserved to janachahana.com | Site By : Sobij
