Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
दमौली, फागुन १४
बाह्मण समाज शुक्लागण्डकी नगर समितिको आयोजनामा बाह्मण समाजको बारे परिचयात्मक तथा प्रशिक्षण कार्यक्रम सम्पन्न भएको छ । समाजका तनहुँ शाखाका अध्यक्ष कृष्णचन्द्र पाण्डेको प्रमुख आतिथ्यतामा दुलेगौंडा बजारमा कार्यक्रम गरिएको हो । कार्यक्रमको उद्घाटन गर्दै अध्यक्ष पाण्डेले जातीय सद्भाव कायम गर्दै पाश्चात्य मुलुकको कूदृष्टिलाई सर्तकता पूर्वक लिएर आफ्नो धर्म र सस्कृतिलाई समयानुकुल प्रशिक्षण तथा संरक्षण गर्न आवश्यक रहेको बताए । साथै प्रत्येकले आ–आफ्नो आचरणलाई ख्याल गर्दै समाजलाई समुन्नत बनाउन योगदान दिनुपर्नेमा जोड दिए । कार्यक्रममा भानुभक्त क्याम्पसका पूर्व प्रमुख मोतीप्रसाद पौडेल, समाजका जिल्ला सचिव कृष्णहरी गैरे, जनप्रतिनिधीहरुको तर्फबाट शुक्लागण्डकी नगरपालिका वडा नम्बर ४ का वडाध्यक्ष राजु वाग्ले लगायतले धारणा राखेका थिए । कार्यक्रममा स्वागत मन्तव्य उपाध्यक्ष ज्योतिप्रकाश तिमिल्सिना र धन्यवाद शोभा तिमिल्सिनालेले राखेकी थिइन् । कार्यक्रममा बाह्मण समाज शुक्लागण्डकी अध्यक्ष ऋषिराम पौडेलको अध्यक्षतामा भएको थियो ।
कार्यक्रममा जिज्ञासाको समाधान गर्दै सनातन धर्मको संरक्षण एवम् जातीय सद्भाव र सस्कार र सस्कृतिको संरक्षण तथा प्रचार प्रसारको बारेमा प्रशिक्षण दिईएको थियो । शुक्लागण्डकी नगरपालिकाका १२ वटै वडा कार्य समितिका पदाधिकारी तथा सदस्यहरुहरु अभिमूखीकरणमा सहभागी रहेका थिए ।
© 2026 All right reserved to janachahana.com | Site By : Sobij
