Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
दमौली २१ बैशाख
व्यास नगरपालिकाबाट संचालित व्यासनगर समता विद्यालयमा यसबर्ष २० जना विद्यार्थी संख्या थप गरिने भएको छ । यस वर्ष भौतिक क्षमतालाई मध्यनजर गर्दै २० जना थपेर ६२ जना पुर्याइने लक्ष्य राखिएको हो । शिक्षालाई सबै बालबालिकाको पहुँचमा पुर्याउने हेतुका साथ सञ्चालन गरेको यस विद्यालयमा शैक्षिक सत्र २०८० मा ४२ जना विद्यार्थी भर्ना भएका थिए । उक्त विद्यालयले अविभावक विहिन र विपन्न बालबालिकालाई आवास सहित अध्यापन गराउँदै आएको छ । यस विद्यालयमा विभिन्न ठाउँका अविभावक विहिन र विपन्न बालबालिकाहरु अध्ययन गर्ने विद्यालयको रुपमा विकास हुदै गएको छ । नगरपालिकाले यस विद्यालयलाई देशकै एउटा नमुना विद्यालयको रुपमा विकास गर्दै लैजाने लक्ष्य लिएको नगरप्रमुख बैकुण्ठ न्यौपानेले जानकारी दिए । यस विद्यालयमा अध्ययनरत बालबालिकाको सम्पूर्ण जिम्मेवारी नगरपालिकाले नै बहन गर्दै आइरहेका छौ,उनले भने ।
© 2026 All right reserved to janachahana.com | Site By : Sobij
