Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
विपन्नवर्गलाई निःशुल्क नृत्य प्रशिक्षणको लागि दमौलीका व्यवसायी मोहन बतास द्वारा रु.एक लाख अक्षयकोष स्थापना गर्नुभएको छ ।
लामो समय देखि नृत्य सिकाउदै आएको भिक्टोरिया डान्स स्कुल दमौलीमा आर्थिक अभाबको कारण नृत्य सिक्नबाट कोही बञ्चित हुन नपरोस् भन्दै व्यवसायी बतासले अक्षयकोष स्थापना गर्नुभएको हो ।
नृत्य क्षेत्रको राम्रो भबिष्य रहेकोले आर्थिक स्थिति कमजोर भएका विद्यार्थीलाई नृत्य सिक्न सहयोग पुग्ने बिश्वास गरि कोष स्थापना गरिएको बतासले बताउनुभयो ।
उक्त अक्षयकोषबाट प्राप्त ब्याजले प्रत्येक बर्ष एक जना विद्यार्थीलाई कोष मार्फत छात्रवृत्ति प्रदान गरिने डान्स स्कुलका प्रशिक्षक सर्जन थापा मगरले जानकारी दिनुभयो ।
डान्स स्कुलले आइतबार एक कार्यक्रमको आयोजना गरि अक्षयकोष स्थापना गर्नुभएका बतासलाई सम्मान गरेको थियो ।
आगमी मङ्सिरमा दमौलीमा खुल्ला नृत्य प्रतियोगिता आयोजना गर्न लागिएको डान्स स्कुलका सस्थापक अध्यक्ष संगम कायस्थले जानकारी दिनुभयो ।
आठ बर्ष देखि दमौलीमा नृत्य सिकाउदै आएको उक्त नृत्य स्कुल अहिले व्यासनगरपालिका–२ स्थित उत्तरशिला चलचित्र हलबाट संचालन गर्दै आएको छ ।
© 2026 All right reserved to janachahana.com | Site By : Sobij
