Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
म्याग्देका किसानलाई बाली उत्पादनोपरान्त हुने क्षति न्युनिकरण तथा बजार ब्यबस्थापन सम्बन्धि तालिम प्रदान गरिएको छ । म्याग्दे गाउँपालिका वडा नं २ उमाचोकमा भएको तालिममा बाली उत्पादन पछि हुन सक्ने क्षति र त्यसको न्युनिकरण सम्बन्धमा सिकाइएको म्याग्दे गाउँपालिकाका कृषि प्राविधिक सहायक प्रशान्त लामिछानेले बताउनुभयो । बाली उत्पादन पछि आउन सक्ने विभिन्न रोग , किराले खान सक्ने समस्या तथा अन्य अफ्ट्याराहरूका बारेमा प्रशिक्षण प्रदान गरिएको उहाँले जानकारी दिनुभयो । बाली तयार भए पछि बजार ब्यबस्थापन कसरी गर्ने भन्ने बारेमा पनि कृषि प्रशिक्षकहरूले किसानलाई जानकारी गराएका थिए । तालिममा ४० जना कृषकहरूको सकृय सहभागीता रहेको थियो । सोहि अवसरमा सुन्तला कृषकहरू लाई निलो टुथो र चुना बनाउने प्राक्टिकल प्रयोगविधि पनि सिकाइएको थियो । म्याग्दे गाउँपालिका वडा नं २ का अध्यक्ष चन्द्रबहादुर रानाभाटको अध्यक्षतामा भएको तालिममा प्राविधिकहरू हरिबहादुर रानाभाट , ओमकार काफ्ले लगायतले प्रशिण दिएका थिए ।
© 2026 All right reserved to janachahana.com | Site By : Sobij
