Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
जनचाहना न्यूज
दमौली १४ पुस
नेपाल बन पैदावर उद्योग व्यवसायी संघ तनहुँले पछिल्लो समय सामाजिक क्षेत्रमा काम गर्दै आएको छ । संघले व्यवसायलाई मर्यादित र व्यवस्थित गर्दै आयआर्जन गरेको केही हिस्सा सामाजिक क्षेत्रमा खर्च गर्दै आएको हो । जिल्लाको देवघाट गाउँपालिका–४ सिञ्च्याङगढी स्थित जनज्योति आधारभुत विद्यालयमा अध्यनरत बालबालिकालाई आइतबार एक कार्यक्रमका बीच न्यानो कपडा वितरण गरेको छ । कक्षा १ देखि ५ सम्म अध्यनरत १६ जना बालबालिकालाई न्यानो कपडा वितरण गरिएको हो । उक्त विद्यालयमा अध्यनरत अधिकाँश बालबालिका जनजाति,पिछाडिएका,रआर्थिक अवस्था नाजुक रहेका छन् । जाडोको समयमा न्यानो कपडा पाएपछि बालबालिकाको मुहारमा खुशी छाएको थियो ।
नेपाल बन पैदावर उद्योग व्यवसायी संघमार्फत ट्रयाकसुट,स्वीटर सहयोग गरेको हो । संघका केन्द्रीय सदस्य देव रसाइलीले जुत्ता र संघका सदस्य बाबुराम पुरीले टोपी र मोजा व्यक्तिगत रुपमा सहयोग गर्नुभएको संघका अध्यक्ष दीपबहादुर श्रेष्ठले जानकारी दिनुभयो । संघका अध्यक्ष श्रेष्ठको सभापतित्वमा सम्पन्न न्यानो कपडा वितरण कार्यक्रममा देवघाट–४ वडाध्यक्ष मित्रलाल गुरुङको प्रमुख आतिथ्यता रहेको थियो ।
कार्यक्रममा स्वागत संघका वरिष्ठ उपाध्यक्ष सोमराज सिग्देल र संचालन संघका सदस्य यालबहादुर गुरुङले गर्नुभयो । कार्यक्रममा संघका कोषाध्यक्ष कृष्णराज लामिछाने,सदस्य बाबुराम पुरी, ,स्वास्थ्य इन्चार्ज रोकेश अधिकारी,टोल विकास संस्थाका पदाधिकारी र स्थानीयबासीको सक्रिय सहभागिता रहेको थियो ।
© 2026 All right reserved to janachahana.com | Site By : Sobij
