Nov 14 2026 | २०८३, कार्तिक २९ गते
Nov 14 2026 | २०८३, कार्तिक २९ गते
काठमाडौं । महिला प्रधानमन्त्री कपमा एपीएफले तेस्रो जित हासिल गरेको छ ।
धनगढीस्थित फाप्ला क्रिकेट मैदानमा शनिबार भएको खेलमा सुदूरपश्चिमलाई ५९ रनले पराजित गरेको हो । सुदूरपश्चिमको भने यो पहिलो पराजय हो ।
एपीएफले दिएको १२७ रनको लक्ष्य पछ्याएको सुदूरपश्चिमले पूरै ओभर खेलेर ६ विकेटको क्षतिमा ६७ रन मात्र बनायो ।
सुदूरपश्चिमका लागि कविता कुँवरले २९ रन बनाइन् । अन्य खेलाडीले गतिलो प्रदर्शन गर्न सकेनन् ।
एपीएफका लागि इन्दु बर्मा, कविता जोशीले २–२ तथा सबनम राईले १ विकेट लिइन् ।
यसअघि एपीएफले निर्धारित १८ ओभरमा २ विकेटको क्षतिमा १२६ रन बनाएको थियो ।
एपीएफका लागि कप्तान इन्दु बर्माले अर्धशतकीय पारी खेलिन् । उनले ४५ बलमा १० चौका प्रहार गर्दै ५८ रन जोडिन् । साथै, ममता चौधरीले ३६ रनमा अविजित रहिन् । दोस्रो विकेटका लागि इन्दु र ममताले ८१ रनको साझेदारी गरेका थिए ।
कविता जोशीले १३ रन बनाउँदा ओपनर राजमती ऐरीले भने २ रनमै आउट भइन् ।सुदूरपश्चिमका लागि जानकी थापाले एक विकेट लिइन् ।
खराब मौसमका कारण खेल ढिला सुरु हुँदा ओभरलाई १८ ओभरमा घटाइएको थियो ।
नेपालभ्युज
© 2026 All right reserved to janachahana.com | Site By : Sobij
